Üçüncü “Bakı ürək günləri” beynəlxalq konqresi ilə bağlı mətbuat konfransı keçirilmişdir

 

 

Mayın 17-dən 19-dək Bakı şəhərində Azərbaycan Ürək və Damar Cərrahiyyəsi Cəmiyyətinin təşkilatçılığı ilə 3-cü “Bakı ürək günləri” beynəlxalq konqresi keçiriləcəkdir.

AzərTAc xəbər verir ki, bununla bağlı mayın 16-da “Gülüstan” sarayında mətbuat konfransı keçirilmişdir.

Tədbirdə Azərbaycan Ürək və Damar Cərrahiyyəsi Cəmiyyətinin sədri, tibb elmləri namizədi  Kamran Musayev bildirmişdir ki, 38  ölkədən 100-dən çox kardioloq və kardiocərrahın iştirak edəcəkləri beynəlxalq konqres ümummilli lider Heydər Əliyevin anadan olmasının 90-cı ildönümünə həsr olunmuşdur.

Diqqətə çatdırılmışdır ki, bu mühüm tədbirin ölkəmizin paytaxtında keçirilməsi ümummilli liderimiz Heydər Əliyevin müəyyənləşdirdiyi səhiyyə siyasətinin Prezident İlham Əliyev tərəfindən uğurla davam etdirilməsinin məntiqi nəticəsidir. Bu, həm də  ölkəmizdə kardiologiyanın və ürək-damar cərrahiyyəsinin sürətli inkişafının göstəricisidir.

Qeyd edilmişdir ki, konqresin əsas məqsədi ölkəmizdə kardiologiyanın və ürək-damar cərrahiyyəsinin inkişafına töhfə vermək, Azərbaycan həkimlərinin qazandıqları uğurları dünyaya göstərmək və xarici mütəxəssislərlə birgə fikir mübadiləsi aparmaqdır. Konqresdə azərbaycanlı həkimlər xarici ölkələrin tanınmış mütəxəssisləri ilə kardiologiya sahəsindəki problemləri və ən son nailiyyətləri müzakirə edəcəklər. Konqresin birinci iş günündə keçiriləcək 16 sessiyada yerli və xarici mütəxəssislərin 50-yə yaxın məruzəsi dinləniləcəkdir. İkinci iş günüdə isə heyvan ürəkləri üzərində “Ürəyin cərrahi anatomiyası” mövzusunda təcrübi kurs təşkil olunacaqdır.

Mətbuat konfransında İspaniyanın Barselona Universitetinin professoru Karlos Mestres Azərbaycanın səhiyyə, xüsusilə ürək-damar cərrahiyyəsi sahəsində qazandığı uğurlara görə regionun əsas mərkəzinə çevrildiyini bildirmişdir.

Azərbaycanda dəfələrlə səfərdə olan ispaniyalı professor ölkəmizdə sürətli inkişaf getdiyini və Bakının Avropa şəhərlərindən fərqlənmədiyini də qeyd etmişdir.

 


© İstifadə edilərkən "Xalq qəzeti"nə istinad olunmalıdır.



  • I Avropa Oyunlarının təəssüratları uzun müddət xatirələrdə yaşayacaq

    I Avropa Oyunlarının təəssüratları uzun müddət xatirələrdə yaşayacaq

  • Hər gün bir tarix, hər gün bir zəfər

    Hər gün bir tarix, hər gün bir zəfər

  • Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

    Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

  • “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

    “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

  • Siyəzən birinci Avropa Oyunlarının məşəl estafetini qəbul etdi

    Siyəzən birinci Avropa Oyunlarının məşəl estafetini qəbul etdi

Çox oxunanlar



Təqvim

Hava haqqında