Moskvada Heydər Əliyev Fondunun vitse-prezidenti, fondun Rusiya nümayəndəliyinin rəhbəri Leyla xanım Əliyevanın təşəbbüsü ilə Rusiyada çalışan gənc azərbaycanlı həkimlərin birinci forumu keçiriləcəkdir.

Bu barədə AzərTAc-ın xüsusi müxbirinə Rusiya Azərbaycanlı Gənclər Birliyi (RAGB) idarə heyətinin üzvü Emin Hacıyev bildirmişdir.

E.Hacıyev demişdir ki, RAGB, Azərbaycan Səhiyyə Nazirliyi, Azərbaycan Gənclər və İdman Nazirliyi və İ.M.Seçenov adına Birinci Moskva Dövlət Tibb Universitetinin təşkilatçılığı ilə aprelin 26-27-də keçiriləcək forumda Moskva, Sankt-Peterburq və Kazandan 100-dən çox gənc azərbaycanlı həkim iştirak edəcəkdir. 

Forumda iştirak etmək istəyənlər [email protected] elektron ünvanına və RAGB-nin rəsmi internet saytındakı xüsusi bölməyə (https://docs.google.com/file/d/0Bx6PmIDP78y1NTczRmVwd0tNdlU/edit?pli=1 ) müraciət edə bilərlər.

Fəridə ABDULLAYEVA

AzərTAc-ın xüsusi müxbiri

Moskva