Mərkəzi Bankda korporativ sosial məsuliyyət (KSM) strategiyası çərçivəsində qanvermə aksiyası keçirilmişdir. 
Mərkəzi Bankın kommunikasiya departamentindən AzərTAc-a bildirmişlər ki, "Qan ver, həyat bəxş et!" devizi altında təşkil olunan aksiyada iştirak edənlər əvvəlcə tibbi müayinədən keçmişlər. B.Ə.Eyvazov adına Elmi Tədqiqat Hematologiya və Transfuziologiya İnstitutunun Mərkəzi Qan Bankının həkimləri Mərkəzi Bankın aksiyada könüllü iştirak edən 100-ə yaxın əməkdaşından qan götürmüşlər. Tədarük olunan qan və qandan hazırlanan preparatlardan hemofiliyalı və talassemiyalı, həmçinin qana ehtiyacı olan insanların müalicəsində istifadə olunacaqdır.
Mərkəzi Bank gələcəkdə də müxtəlif sosial layihələrin həyata keçirilməsini planlaşdırır.