DST-nin Avropa Regional Komitəsinin 61-ci sessiyası çərçivəsində keçirilən brifinqdə İİV/QİÇS xəstəliyi barədə məlumat verilmişdir

Sentyabrın 14-də Bakıda Dünya Səhiyyə Təşkilatının (DST) Avropa Regional Komitəsinin 61-ci sessiyası çərçivəsində brifinq keçirilmişdir.
Brifinqdə DST-nin Avropa Regional Bürosunun İİV/QİÇS proqramı üzrə rəhbəri Martin Donaxyu bu xəstəliyin yaranma səbəbləri və profillaktikası barədə məlumat vermişdir. Bildirilmişdir ki, bununla bağlı hazırlanmış tədbirlər planı sentyabrın 15-də sessiya iştirakçılarına təqdim olunacaqdır. Eyni zamanda, noyabrda bu məsələ yenidən müzakirə ediləcək və tövsiyələr hazırlanacaqdır.
Hazırda dünyada 34 milyon insanın İİV infeksiyası daşıdığını, Avropada onların sayının 2 milyona yaxın olduğunu deyən DST-nin proqram rəhbəri xəstələrin 50 faizinin müalicə aldığını bildirmişdir.
Avropanın şərq hissəsində QİÇS xəstəliyinin çox yayıldığını qeyd edən M. Donaxyu dünyada bu xəstəliyin qarşısının alınması və müalicəsi üçün 6 milyard dollar lazım olduğunu demişdir. Proqram rəhbəri profilaktik tədbirlərə üstünlük verilərsə, tələb olunan vəsaitin 4-5 dəfə azaldıla biləcəyini də diqqətə çatdırmışdır.
Brifinqdə DST-nin Azərbaycan nümayəndəliyində yoluxucu xəstəliklər üzrə mütəxəssis Cəvahir Süleymanova bildirmişdir ki, son üç ildə ölkəmizdə vətəndaşların QİÇS-lə yoluxmasında artım müşahidə olunmur. Azərbaycanda indiyədək 3 minə yaxın insan bu xəstəliyə yoluxmuşdur. Hazırda ölkədə bu xəstəlikdən müalicəyə ehtiyacı olan 1100 nəfər xəstə vardır.


© İstifadə edilərkən "Xalq qəzeti"nə istinad olunmalıdır.



  • I Avropa Oyunlarının təəssüratları uzun müddət xatirələrdə yaşayacaq

    I Avropa Oyunlarının təəssüratları uzun müddət xatirələrdə yaşayacaq

  • Hər gün bir tarix, hər gün bir zəfər

    Hər gün bir tarix, hər gün bir zəfər

  • Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

    Birinci Avropa Oyunları məşəlinin Bakının mədəniyyət və incəsənət mərkəzlərinə səyahəti

  • “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

    “Bakı – 2015”-in məşəli bölgələrə səyahətin son günündə bəşəriyyətin keçmişinə işıq salıb paytaxta qayıdır

  • Siyəzən birinci Avropa Oyunlarının məşəl estafetini qəbul etdi

    Siyəzən birinci Avropa Oyunlarının məşəl estafetini qəbul etdi

Çox oxunanlar



Təqvim

Hava haqqında