Yay fəslinin ən sevimli qida məhsullarından biri qarpızdır. Orqanizm üçün bir sıra müsbət və qoruyucu təsirləri olan qarpız susuzluğu aradan qaldırır, bədəni sərinlədir. Qarpız, eyni zamanda, həzmə kömək etməklə yanaşı, qanı durulaşdırır.

Mütəxəxssislərin apardığı araşdırmalar qarpızın mövsüm üçün ən yaxşı qida olduğunu müəyyən edib.

Qarpızın tərkibində olan bir sıra maddələr insan orqanizminin temperaturunu aşağı salır, təzyiqi tənzimləyir. Ona görə də qarpız yeyilməsi günvurma ilə üzləşmək təhlükəsini azaldır. Tərləməni tezləşdirən qarpız eyni zamanda istiyə, eləcə də günvurmaya davamlılığı da artırır.

Yaraların tez sağalmasında da qarpızın müsbət rolu var. Bostan bitkisi A vitamini deposu olmaqla dəri, diş və sümüklərin sağlam və cavan qalmasına kömək edir. Onun tərkibindəki amin turşusu böyrəklər üçün çox faydalıdır.

Elçin ABBASOV,
“Xalq qəzeti”