“CBS News” kanalının məlumatına görə, Birləşmiş Ştatların Luiziana ştatında nadir amöb sayılan Neqleriya fouleranın (Naegleria fowleri) aşkarlanması həyəcana səbəb olub.

Bildirilib ki, ötən həftə aparılan laboratoriya yoxlamaları zamanı son 3 ildə artıq 3-cü dəfə  su ehtiyatlarında amöb aşkarlanıb.

Qaynar istilərə baxmayaraq sakinlərə hovuzda çimmək qadağan edilib. Müvafiq xəbərdarlıqda deyilir: “Amöblər içməli sudan tutmuş duşa qədər istənilən şirin su mənbəyində ola bilər”.

Qeyd edək ki, insan beyninə düşən parazit orada sürətlə çoxalmağa başlayır. Nəticədə beyin qanaxması və hüceyrələrin nekrozuna səbəb olur.

Xatırladaq ki, ABŞ-da 1962-2016-cı illər arasında bu xəstəliyə yoluxan 143 nəfərdən cəmi 4-ü sağ qala bilib.

Elçin ABBASOV,

“Xalq qəzeti”