Limonun faydasını saymaqla bitməz. Amma Sibir bölgəsində bir çoxları limonun içinə iri duz doldurub saxlayır. Bu zaman limonun yüksək fermentləşməsi baş verir.

Medicina.az saytının yazdığı bu maraqlı üsulu təqdim edirik:

 Böyük şüşə balon və ya qab götürülür.  Limonlar soda qatılmış suda yuyulub, qurudulur.  Limonun baş hissəsindən qalın iri xaç formasında çarpaz kəsiklər atıb, ora duz doldurun.  Şüşə qabın dibinə iri duz səpilir, limonlar bura, yanaşı, sıx-sıx düzülür.  Qabın ağzı bağlanılıb, 3 gün sərin, qaranlıq yerdə saxlanılır. 3 gün sonra limonlar istifadəyə yararlıdır.

Duz doldurulmuş limonlar mədə yanğısını götürür. Bundan üzün dərisini silmək üçün istifadə oluna bilər.

Qanda qlükozanı azaldır, təzyiqi salır, antibakterial təsir edir.

Artirt və revmatizmdə, varikozda lazımi nahiyəyə çəkilir.

Damaq iltihabında sürtülür, ayaqda döyənəyi sağaldır, qripdə güclü təsir edir

İstifadədən öncə limon qabdan çıxarılıb, duzu yuyulur və limonun özü istifadə olunur.

Z. BƏŞİRQIZI,
“Xalq qəzeti”