Səhiyyə nazirliyinin mətbuat xidmətindən bildiriblər ki, paytaxtda beynəlxalq statuslu III Bakı Beynəlxalq Tibbi Təlim Günləri keçirilir.

Bu tədbir çərçivəsində tələbə, rezident və həkimlər üçün 12 ixtisas üzrə Avropada tanınmış Davos Tibb Kursları və digər proqramlar əsasında beynəlxalq səviyyəli təlimlər təşkil edilib. Təlimlər Avropada həkim və tələbələrə xüsusi peşə vərdişlərinin öyrədilməsi məqsədilə tədris edilən texnikalardan istifadə edilməklə ən müasir tibbi modellər üzərində aparılıb.

Konqres və təlimlərdə iştirak edənlərə beynəlxalq səviyyəli sertifikatlar verilib.

Z. BƏŞİRQIZI,
“Xalq qəzeti”