Siyəzən Regional Müalicə Diaqnostika Mərkəzində keçirilən tədbir zamanı Xızı Mərkəzi Rayon Xəstəxanasının baş həkimi Bəhdaş Nəbiyev rəhbərlik etdiyi müəssisədə adı çəkilən istiqamətdə görülən işlər barədə məlumat verib. O bildirib ki, Xızı əhalisinin 3700-dən çoxu profilaktik tibbi müayinələrdən keçib. Onlardan 119-da ürək-damar, şəkər və ağciyər xəstəlikləri aşkarlanıb.

Müayinələrlə bağlı hesabat verərkən Şabran Mərkəzi Rayon Xəstəxanasının baş həkiminin müavini Kəmalə Süleymanova qeyd edib ki, əhali arasında fəsadlı xəstəliklərə çox az rast gəlinib. Müayinələr zamanı xəstəliklər aşkar edildikdə, həmin pasiyentlər ya yerli xəstəxanada, ya da Bakıda ixtisaslaşmış xəstəxanalarda müalicəyə göndərilirlər.

Zərifə BƏŞİRQIZI,
“Xalq qəzeti”