Azərbaycan Tibb Universitetinin (ATU) Tədris Cərrahiyyə Klinikasında rezidentlərin cərrahi bacarıqlarının artırılması məqsədi ilə keçirilən “Təməl cərrahi bacarıqlar” adlı kurslar  başa çatıb.

Səhiyyə Nazirliyinin mətbuat xidmətindən bildiriblər ki, kursun ilkin mərhələsində cərrahın alətlərlə işləmə qaydaları tədris olunub. Rezidentlərə düyünlərin bağlanması, tikişlərin qoyulması, cərrahi alətlər barədə məlumat verilib. İkinci hissədə bacarıqların artırılması vərdişləri yaş toxumalar üzərində həyata keçirilib: “Toxuma əsasən xüsusi ət parçalarından hazırlanıb, atiroma maketi yaradlılıb. Rezidentlərə dəridə kəsiklərin aparılması, dəri tikişlərinin qoyulması, dərialtı aksislərin açılması və drenajı əməliyatı, bağırsaqlar üzərində anostomozun qoyulması və digər biliklər öyrədilib”.

Rezidentlər bu vərdişlərə yiyələnəndən sonra onların cərrahi əməliyatlarda iştirakı təmin olunacaq.

Z.BƏŞİRQIZI,
“Xalq qəzeti”