Bakı Ali Neft Məktəbində (BANM) “İnformasiya təhlükəsizliyi” ixtisası üzrə mütəxəssis hazırlanacaq. 

Ali Məktəbdən verilən məlumata görə, artıq bununla bağlı müəyyən təşkilati-inzibati işlərin icrasına başlanılıb. Hazırda bakalavr pilləsində “Neft-qaz mühəndisliyi”, “Kimya mühəndisliyi”, “Proseslərin avtomatlaşdırılması mühəndisliyi” ixtisasları üzrə yüksək potensiallı kadr hazırlığını həyata keçirən ali məktəbdə “İnformasiya təhlükəsizliyi” ixtisasının tədrisi ölkədə bu sahənin mütəxəssislərinə ehtiyacı ödəmək üçündür.

Xatırladaq ki, tədris proqramında ən son texnoloji nailiyyətləri tətbiq edən BANM-da bütün ixtisaslar üzrə kadr hazırlığı ingilis dilində aparılır, dərsləri yüksək ixtisaslı yerli və əcnəbi professor-müəllim heyəti həyata keçirir.

hazırladı:T.AYDINOĞLU