Azərbaycan Diplomatik Akademiyasında (ADA) xaricdə təhsil alan fəlsəfə doktorlarının üçüncü illik seminarı keçirilir.
ADA-dan bildirmişlər ki, seminarda xarici universitetlərdə sosial elmlərin müxtəlif sahələri üzrə elmi tədqiqatla məşğul olan 23 azərbaycanlı fəlsəfə doktorları və namizədlər iştirak edir. Onlar dünyanın 14 aparıcı universitetində təhsil alırlar.
Akademiyanın rektoru Hafiz Paşayev bildirmişdir ki, xaricdə təhsil alan azərbaycanlı fəlsəfə doktorlarının ölkəyə qayıtması həm elmin, həm də təhsil sisteminin inkişafına ciddi töhfələr verəcəkdir.
Seminarda iştirak edən təhsil naziri Misir Mərdanov demişdir ki, Azərbaycanda elm və tədrisin dünya standartlarına çatdırılması ölkənin prioritet vəzifələrindən biridir.
Azərbaycan Prezidenti yanında Elmin İnkişafı Fondunun icraçı direktoru Elçin Babayev isə qeyd etmişdir ki, seminara qatılan doktorantlar müəyyən müddətdən sonra təkcə tədrisə deyil, elmin inkişafına da yardımçı olacaqlar. Fond indidən bu gənclərlə əməkdaşlıq qurmaqda maraqlıdır.{nl}