Dekabrın 10-da Bakı Dövlət Universitetində (BDU) Təhsil Nazirliyinin təşkilatçılığı ilə keçirilən doktorantların və gənc tədqiqatçıların XV respublika elmi konfransı başa çatmışdır.
Öz işini bölmə iclaslarında davam etdirən konfransda ölkəmizin ali təhsil müəssisələrində çalışan doktorant və gənc tədqiqatçılar iştirak etmişlər.
Konfransın yekun iclasında təhsil nazirinin müavini İradə Hüseynova və BDU-nun rektoru, Milli Məclisin deputatı, akademik Abel Məhərrəmov çıxış edərək uğurlu nəticələr göstərmiş gənc tədqiqatçıları təbrik etmişlər.
Tədbirdə iqtisadiyyat, coğrafiya və ekologiya, fizika, pedaqogika və psixologiya, kimya, kimya-texnologiya, riyaziyyat, tibb, tarix, mexanika və maşınqayırma və digər bölmələrin rəhbərlərinin hesabatları dinlənilmişdir.
Sonda konfransda fəal iştirak edən tədqiqatçılara mükafat və sertifikatlar təqdim olunmuşdur.{nl}

AzərTAc