Dekabrın 8-də Dünya Bankının elm, texnologiya və innovasiya üzrə mütəxəssisi, İnnovos Şirkətlər Qrupunun prezidenti Karlos Sezar Yammal Bakı Dövlət Universitetinin (BDU) rektoru, Milli Məclisin deputatı, akademik Abel Məhərrəmov ilə görüşmüşdür.
A.Məhərrəmov rəhbərlik etdiyi ali təhsil müəssisəsi haqqında qonağa ətraflı məlumat vermiş, universitetin beynəlxalq əlaqələrindən, yerli və xarici qrant layihələrində iştirakından danışmışdır.
Təmsil etdiyi qurumun Azərbaycanda elm və təhsilin inkişafı sahəsində layihələr həyata keçirmək niyyətindən bəhs edən Karlos Sezar Yammal bununla bağlı universitetlər tərəfindən irəli sürülən təkliflərin dinlənilməsi və gələcək əməkdaşlıqda nəzərə alnmasının vacibliyini vurğulamışdır.
A.Məhərrəmov BDU ilə bağlı gələcək planlardan, elmlə istehsalat arasında əlaqələrin qurulması, texnoparklar yaradılması haqqında söhbət açmış, qonağı maraqlandıran sualları cavablandırmışdır.
AzərTAc{nl}