Akademik Zərifə Əliyeva adına məktəbdə ulu öndər Heydər Əliyevin anadan olmasının 87-ci ildönümünə həsr edilmiş məktəblilərin inşa yazı müsabiqəsinin yekun turu keçirilmişdir.
Yekun turun açılış mərasimində təhsil naziri Misir Mərdanov hər il ölkənin ümumtəhsil müəssisələrində ümummilli lider Heydər Əliyevin doğum gününə həsr olunmuş inşa yazı müsabiqəsinin keçirildiyini diqqətə çatdırmışdır.
Bu il keçirilən müsabiqənin əvvəlki mərhələlərinin qalibi olan 96 məktəbli yekun turunda iştirak etmək imkanı qazanmışdır.
"Ulu öndər Heydər Əliyevi düşünərkən..." mövzusu üzrə inşa yazı müsabiqəsinin yekun turunda iştirakçılara üç saat vaxt verilmişdir.
İnşa yazılar Təhsil Nazirliyinin müəyyənləşdirdiyi ekspertlər tərəfindən qiymətləndiriləcək, qaliblər mükafatlandırılacaqlar.
Nazir qeyd etmişdir ki, mükafatlandırma mərasiminin mayda "Gülüstan" sarayında keçirilməsi nəzərdə tutulur.
Yekun turun açılış mərasimində Yeni Azərbaycan Partiyası sədrinin müavini-icra katibi, Milli Məclisin deputatı Əli Əhmədov, təhsil işçiləri, ayrı-ayrı qurumların nümayəndələri iştirak etmişlər.{nl}