Xarici ali təhsil sənədlərinin (diplomların) tanınması (nostrifikasiya) qaydaları ilə bağlı Nazirlər Kabinetinə təkliflər paketi təqdim edilib. APA-nın xəbərinə görə, təkliflər paketində xarici ali təhsil sənədlərinin tanınması zamanı əmək bazarına çıxış və elmi fəaliyyət hüquqlarının ayrılması təklif olunub.

Qeyd edək ki, mövcud qaydalara görə Təhsil Nazirliyinin verdiyi şəhadətnamə ilə xarici ali təhsil sənədlərinin tanınması zamanı həm elmi fəaliyyət (magistr, doktorant səviyyəsində fəaliyyət göstərmək hüququ), həm də əmək bazarına çıxış hüququ verilir. Amma Lissabon Konvensiyasına görə  iki sənəd ayrı olmalıdır.