Azərbaycan Diplomatik Akademiyası (ADA) 2011/2012-ci tədris ili üçün diplomatiya və beynəlxalq münasibətlər üzrə magistratura pilləsinə tələbə qəbulunu davam etdirir.
ADA-dan bildirmişlər ki, xarici siyasət, beynəlxalq münasibətlər və diplomatiya sahələrinə maraq göstərən şəxslər elektron ərizə formasını doldurmalı, Tələbə Qəbulu üzrə Dövlət Komissiyasında magistratura pilləsinə imtahanların birinci mərhələsində iştirak etməli, TOEFL və ya IELTS imtahan nəticələrini təqdim etməlidirlər.
Azərbaycan Diplomatik Akademiyasına daxil olmaq üçün tələb olunan sənədlərin tam siyahısı ilə http://ada.edu.az/admissions/apply/instructions/  ünvanında tanış ola bilərsiniz.
"Əla" qiymətlərlə təhsil alan tələbələrə təhsil haqqı ödənişlərində güzəştlər edilir. Hər həftənin ikinci günü saat 16-da maraqlanan şəxslər üçün akademiyanın binasında (Şamil Əzizbəyov küçəsi, 88) məlumat sessiyaları keçirilir.
Magistraturaya sənədlərin qəbulu 2011-ci il martın 1-dək davam edəcəkdir.{nl}

AzərTAc