Azərbaycan Dövlət İqtisad Universitetində (ADIU) Beynəlxalq İqtisadiyyat Məktəbi (İnternational School of Economics) yaradılıb. Məktəbdə interaktiv metodlarla təşkil olunan tədris ingilis dilində aparılacaq.

Burada dünya iqtisadiyyatı, maliyyə, mühasibat uçotu, iqtisadiyyat və biznes inzibatçılığı ixtisasları üzrə bakalavr təhsilinin, dünya iqtisadiyyatı və maliyyə ixtisaslarında isə magistr təhsilinin təşkili nəzərdə tutulub.

Dərsləri ADİU-nun və dünyanın aparıcı universitetlərinin müəllimləri keçəcəklər. Tələbələr ADİU-nun  beynəlxalq tədris, o cümlədən tələbə mübadilə proqramlarında iştirak edəcəklər. ADİU-nun Beynəlxalq İqtisadiyyat Məktəbinə qəbulu Tələbə Qəbulu üzrə Dövlət Komissiyası aparacaq.

Elnarə ÖMƏROVA