Tədbirdə rayon icra hakimiyyəti başçısı yanında Şuranın üzvləri, təhsil müəssisələri pedaqoji kollektivlərinin nümayəndələri, 2010-2011-ci 600-dən yuxarı bal toplayaraq tədris ilində ali məktəblərə daxil olan məzunlar, yuxarı sinif şagirdləri, rayon ictimaiyyətinin nümayəndələri iştirak etmişlər.
Tədbir iştirakçıları əvvəlcə Heydər Əliyev parkında ulu öndərin abidəsini ziyarət edərək önünə gül dəstələri qoymuş, Heydər Əliyev mərkəzi ilə tanış olmuşlar.
Sonra musiqili fəvvarələrin ətrafındakı meydanda tədbir başlanmışdır. Aparıcı ulu öndərin müəllimə verdiyi yüksək qiymət haqda sözlərini tədbir iştirakçılarının diqqətinə çatdırmışdır: "Hər birimizdə müəllimin hərarətli qəlbinin bir zərrəciyi vardır. Məhz müəllim doğma yurdumuzu sevməyi, hamının rifahı naminə vicdanla işləməyi müdrikliklə və səbirlə bizə öyrətmiş və öyrədir".
Daha sonra rayon icra hakimiyyəti başçısı İlqar Abbasov rayon məktəblərinin əldə etdiyi uğurlar haqqında danışaraq qeyd etmişdir ki, son illər Prezident İlham Əliyevin rəhbərliyilə Azərbaycanın ictimai-siyasi həyatının bütün sahələrində olduğu kimi, təhsil sistemində də mühüm uğurlar əldə olunmuşdur. Ötən müddət ərzində yaradılmış baza Azərbaycan təhsilinin inkişafına uzun müddət xidmət edəcəkdir.
Natiq vurğulamışdır ki, Heydər Əliyev Fondunun prezidenti, YUNESKO və İSESKO-nun xoşməramlı səfiri, Milli Məclisin deputatı Mehriban xanım Əliyevanın rəhbərliyi altında fəaliyyət göstərən fond Azərbaycan xalqının düşüncə sistemində xüsusi yer tutan mərhəmət, insanpərvərlik, xeyirxahlıq kimi ali dəyərlərə istinad etmiş, cəmiyyətin mənəvi saflaşmasına hesablanmış addımları ilə insanların dərin rəğbətini qazanmışdır.Fond ötən müddətdə milli mədəniyyətin dünya miqyasında geniş təbliği və qorunması, mənəvi dəyərlərin ictimai şüurda möhkəmləndirilməsi, Azərbaycan həqiqətlərinin dünya ictimaiyyətinə çatdırılması, elm, təhsil, səhiyyə sahəsində çoxsaylı layihələr hazırlayaraq uğurla həyata keçirmişdir.
Tədirdə rayondan Milli Məclisə deputat seçilmiş A.Abıyev və Ə.Vəliyev iştirak etmişlər.
Sonda rayondakı mədəniyyət saraylarının bədii kollektivləri konsert proqramı ilə çıxış etmişlər.

Vaqif BAYRAMOV, "Xalq qəzeti"