Noyabrın 11-də Milli Aviasiya Akademiyasında “Bakı Elm Festivalı-2014" proqramı çərçivəsində tədbir keçirilib.

Milli Aviasiya Akademiyasından AzərTAc-a bildiriblər ki,  tədbirdə AMEA-nın akademik H. Əliyev adına Coğrafiya İnstitutunun direktoru, akademik Ramiz Məmmədov, Daxili İşlər Nazirliyinin Polis Akademiyasının polkovnik-leytenantı, hüquq üzrə fəlsəfə doktoru Rafiq Nəcəfquliyev və digər alimlər məruzələr ediblər.

Məruzələr “İqlim dəyişmələri, onların Xəzər dənizi ekosisteminə təsiri”, “Virtual aləmdə hüquq pozuntusu və onun qarşısının alınmasının bəzi problemləri”, “Faşizm üzərində qələbədə Azərbaycan neftinin rolu”, “Son 10 ildə Azərbaycan ərazisinin seysmikliyinin xüsusiyyətləri” və digər mövzuları əhatə edib.