Azərbaycan Müəllimlər İnstitutunun Qazax filialının akt zalında Qazax Rayon Polis Şöbəsinin,  rayon gənclər və idman idarəsinin birgə təşkilatçılığı ilə “Narkomaniya və narkobiznesə qarşı mübarizə” mövzusunda tələbələrlə görüş keçirilmişdir.

Tədbiri filialın direktoru, dosent Afaq Qasımova açdı. O, gəncləri maarifləndirəcək tədbirin əhəmiyyətindən, instututda bu sahədə görülən işlərdən danışdı. Sonra rayon polis şöbəsinin rəisi, polis polkovniki  Zöhrab İsmayılov,  rayon gənclər və idman idarəsinin rəisi Vüqar Nəbiyev, rayonun baş narkoloqu Nahidə Osmanova, Gənclər və İdman İdarəsinin məsləhətçisi İsmayıl Süleymanov çıxış edərək  ayrı-ayrı təşkilatlarda keçirilən görüşlərdən, rayonda narkomaniya və narkobiznesə qarşı aparılan mübarizə tədbirlərindən danışdılar.  Gənclərə pis vərdişlərdən uzaq olmaq tövsiyə edildi, onlara sağlam həyat arzuladılar.

Gənclər öz aktiv fəaliyyətləri ilə dövlətin yeritdiyi siyasətin daimi müdafiəçiləri olacaqlarını bildirdilər.

H.QASIMOV,

“Xalq qəzeti” nin bölgə müxbiri