Məzəm kəndində

Yeni dərs ili ərəfəsində Qazax rayonunun Ermənistanla sərhəddə yerləşən Məzəm kəndində ibtidai məktəbin açılışı omuşdur. Toplantını giriş sözü ilə rayon icra hakiyyətinin başçısı Ayaz Əsgərov açmış, yeni dərs ili münasibəti ilə müəllimləri , şagirdləri və valideynləri təbrik etmişdir. Sonra yeni məktəb binasının açılışını bildirən lent kəsilmişdir.

Mərasimdə Milli Məclisin deputatı Əhməd Vəliyev, məktəbin diektoru Cəbrayıl Osmanov , müəllimlər və valideynlər çıxış edərək respublikamızda və eləcə də Qazax rayonunda təhsilə göstərilən diqqət və qayğıya görə ölkə Prezidenti İlham Əliyevə minnətdarlıqlarını bildirmişlər.

Bala Cəfərli kəndində

Sərhəd kəndi olan Bala Cəfərli də yeni ibtidai məktəb binası istifadəyə verilmişdir. Bu münasibətlə keçirilən mərasimdə RİH başçısı Ayaz Əsgərov qarşıdan gələn yeni dərs ili münasibətilə məktəbin pedoqoji kollektivini, şagirdləri və valideynləri təbrik etmişdir. Sonra yeni məktəb binasının açılışını bildirən lent kəsilmişdir.

Tədbirdə çıxış edən məktəbin direktoru Yasəmən Quliyeva, valideynlər və kənd sakinləri onlar üçün yaradılmış şəraitdən, təhsilə göstərilən diqqət və qayğıdan razı qaldıqlarını bildirmişlər.

Qarapapaq kəndində

15 sentyabr – Bilik Günündə Qarapapaq kəndində yeni tikilmiş məktəb binası öz qapılarını şagirdlərin üzünə açmışdır. Bu münasibətlə keçirilən mərasimi giriş sözü ilə açan rayon icra hakimiyyətinin başçısı Ayaz Əsgərov yeni məktəbin istifadəyə verilməsi və Bilik Günü münasibətilə müəllimləri , şagirdləri və kənd camaatını təbrik etmişdir. Sonra yeni məktəb binasının açılışını bildirən lent kəsilmişdir.

Qarapapaq kənd orta məktəbinin direktoru Solmaz Hacıyeva, valideynlər və kənd sakinləri çıxış edərək yeni dərs ili ərəfəsində kənddə yeni məktəb binasının istifadəyə verilməsinin onlar üçün ən böyük hədiyyə olduğunu bildirmişlər.Elmimizə və təhsilimizə göstərilən diqqət və qayğıya görə ölkə Prezidenti İlham Əliyevə minnətdarlıqlarını ifadə etmişlər.

Hamlet QASIMOV,

“Xalq qəzeti”nin bölgə müxbiri