Müəllimlərin orta məktəblərdə işə qəbulu artıq kompyuter vasitəsilə həyata keçirilir.
Bunu təhsil naziri Misir Mərdanov bildirmişdir. Nazir demişdir ki, bu istiqamətdə çox ciddi işlər aparılır. Hazırda Bakı şəhərini əhatə edən məktəblərdə 197 müəllimə ehtiyac vardır. Bu yerlərə işə qəbulla bağlı artıq elan verilmişdir. Elə ixtisas var ki, bir yerə 30 nəfər sənəd vermişdir. Onların arasında ədalətli seçim aparılacaqdır.
M.Mərdanov bildirmişdir ki, ucqar kəndlərdəki məktəblərə gənc müəllimlərin işə qəbulu ilə bağlı qəbul edilmiş müvafiq dövlət proqramı uğurla icra edilir. Bu il proqram çərçivəsində 800 nəfər müəllimin yerlərə göndərilməsi nəzərdə tutulur.
Həmin müəllimlər sentyabrın 15-dək hökumət tərəfindən müəyyən olunmuş imtiyazlar əsasında kənd məktəblərində işə başlayacaqlar.
AzərTAc{nl}