Amerika Birləşmiş Ştatlarının ölkəmizdəki fövqəladə və səlahiyyətli səfiri Riçard Morninqstar Azərbaycan Turizm İnstitutunun (ATİ) qonağı olmuşdur . İlkin olaraq səfir institutun rektoru, tarix elmləri üzrə doktor, professor Cəfər Cəfərovla görüşmüşdür.

Görüş zamanı böyük elçiyə institutun yaranma tarixi, inkişaf mərhələləri, tədris prosesi, təhsil-təlim-təcrübə-tədqiqat modelinin ixtisaslı kadr hazırlıqına müsbət təsiri haqqında ətraflı məlumat verən C. Cəfərov beynəlxalq əməkdaşlıq əlaqələri və ATİ-nin gələcək inkişaf strategiyası barədə danışmışdır.

Səfir Riçard Morninqstar institutda təhsil alan  tələbələrlə görüşündə, əsasən, dünya iqtisadıiyyatında turizmin rolu və yeri, eyni zamanda, Amerika Birləşmiş Ştatlarının turizm ehtiyatları, o cümlədən Azərbaycanın turizm imkanlarından danışmışdır. Görüşdə iştirak edən səfirliyin Təhsil və siyasət şöbəsinin səlahiyyətli nümayəndəsi turizm institutunun tələbələrinə Amerika Birləşmiş Ştatlarında mövcud olan təhsil sistemindən və təhsil imkanlarından danışmışdır.

Tələbələrlə görüşdən sonra səfir ATİ -nin Avstriyanın İMC Krems Tətbiqi Elmlər Universiteti ilə bağladığı “Turizm və qonaqpərvərlik xidməti üzrə təhsil sahəsində əməkdaşlıq” müqaviləsinə əsasən hazırda turizm instititunda “Sağlamlıq turizmi ” üzrə tədris aparan ABŞ-ın Texas Dövlət Universitetinin professoru ilə görüşmüş və tələbələrlə söhbət etmişdir.

Z. BƏŞİRQIZI,

“Xalq qəzeti”