AMEA-nın yeni açılmış Mərkəzi Kitabxanasının İnformasiya Resursları Mərkəzinin (İRM) bir qrup əməkdaşı təcrübə mübadiləsi məqsədilə “ADA” Universitetinə ezam olunmuşdur.

Mərkəzi Kitabxanadan AzərTAc-a bildirmişlər ki, “ADA” Universitetinin kitabxana-informasiya fakültəsinin dekanı Marta Speies seminarın İRM-in informasiya texnologiyaları və kitabxana şöbələrindən olan 12 nəfərlik heyətə keçirilməsinin nəzərdə tutulduğunu qeyd etmişdir.

İkigünlük seminarda beynəlxalq kitabxana standartları, çap və elektron kitabların bir sistemdə qeydiyyata salınması, kitabxana xidmətlərinin göstərilməsi və başqa praktiki mövzulara toxunulacaqdır.