Aprelin 25-də “ADA”

Universitetində xeyriyyə

marafonu keçirilmişdir.

AzərTAc xəbər verir ki, “ADA” Universiteti rəhbərliyinin dəstəyi ilə tələbələr tərəfindən Tofiq Bəhramov adına Respublika stadionunda təşkil olunmuş marafon bu ali təhsil ocağında xeyriyyəçilik ənənəsinin və sağlam həyat tərzinin təbliği məqsədinə xidmət etmişdir.

Mərasimdə “Sosial cavabdehlik” layihəsi çərçivəsində reallaşan bu tədbirin hər il keçirilməsinin planlaşdırıldığı diqqətə çatdırılmışdır.

 Xeyriyyə marafonunda “ADA” Universitetinin bakalavr və magistr pillələrində oxuyan tələbələr iştirak etmişlər.

Marafonda daha çox fəallıq göstərənlərə qiymətli hədiyyələr təqdim edilmişdir. 

Bu humanitar aksiyadan əldə edilmiş vəsait xeyriyyə məqsədləri üçün istifadə olunacaqdır.