Bu gün Azərbaycan Milli Elmlər Akademiyası (AMEA) Tarix İnstitutunda AMEA-nın həqiqi və müxbir üzvlüyünə seçkilərlə bağlı Elmi Şura keçirilmişdir.

İnstitutdan  APA-ya verilən məlumata görə, şura üzvləri AMEA Rəyasət Heyətinin 12 mart 2014-cü il tarixli 9/23 nömrəli qərarı ilə təsdiq edilmiş AMEA-nın həqiqi və müxbir üzvlüyünə seçkilər haqqında elanla tanış edilmişlər.

Şurada çıxış edən institutun direktoru, AMEA-nın müxbir üzvü Yaqub Mahmudov Azərbaycan tarixinin müstəqillik dövrünün tələbləri ruhunda yazılmasında Tarix İnstitutunun böyük rol oynadığını, bununla belə, tarix sahəsinə AMEA-nın həqiqi üzvü yeri ayrılmadığını, müxbir üzvlər üçün isə

2 yerin nəzərdə tutulduğunu qeyd etmişdir.

Daha sonra şurada Tarix İnstitutunda AMEA-nın müxbir üzvlüyünə namizədlər gizli səsverməyə çıxarılmışlar. Gizli səsvermə nəticəsində AMEA-nın müxbir üzvlüyünə seçkilərdə iştirak etmək üçün tarix üzrə elmlər doktorları, professorlar Ə. Qasımov,

Ş.Fərzəliyev, T.Məmmədov, K.Şükürov və N.Axundovanın namizədliyi irəli sürülmüşdür.