Azərbaycanda səfərdə olan Fransanın sabiq xarici işlər naziri Über Vedrin “ADA” Universitetinin tələbələri ilə görüş keçirmiş və “Soyuq müharibədən sonra dünyada baş verən hadisələrə Fransanın yanaşması” mövzusunda çıxış etmişdir. 

“ADA” Universitetinin ənənəvi Qlobal Perspektivlər Mühazirələr Silsiləsi çərçivəsində keçirilmiş görüş zamanı Über Vedrin dünya ictimaiyyətini narahat edən və gündəmdə olan bir sıra məsələlərə toxunmuşdur. O, həmçinin Ermənistan-Azərbaycan, Dağlıq Qarabağ münaqişəsinin sülh yolu ilə həlli istiqamətində fəaliyyət göstərən ATƏT-in Minsk qrupunun həmsədri olaraq Fransanın sülh prosesinin irəliləyişi üçün gördüyü işlər barədə məlumat vermişdir.

Görüş sual-cavab sessiyası ilə davam etmişdir.