“ADA” Universitetinin tələbələri arasında keçirilən debatların qalibləri müəyyənləşdirilmişdir. Qalibləri Asiya İnkişaf Bankı (AİB) və “ADA” Universitetinin nümayəndələrindən ibarət münsiflər heyəti seçmişdir.

AİB-in mətbuat xidmətindən AzərTAc-a bildirmişlər ki, debatların finalına vəsiqə qazanmaq üçün 10 komanda mübarizə aparmışdır.

AİB Qazaxıstanın Astana şəhərində keçiriləcək II Asiya Gənclər Forumunda qalib komandanın iştirakını maliyyələşdirəcəkdir.

Müxtəlif ölkələrdən 60-dək gənc aprelin 30-dan mayın 1-dək “Sərhədsiz tərəfdaşlıq” mövzusunda forumda, mayın 2-dən 5-dək isə AİB-in “Yeni İpək Yolu: Asiya və dəyişən dünya” mövzusunda illik toplantısında iştirak edəcəkdir.

Forum çərçivəsində gənclər təlim və seminarlarda iştirak edəcək, həmçinin idarəçilik, ekoloji cəhətdən dayanıqlı inkişaf, ətraf mühit və su ehtiyatları, gender, təhsil və məşğulluq, vətəndaş cəmiyyətində fəal iştirak məsələləri ilə bağlı müzakirələr aparacaqlar.