Dekabrın 9-da Bakıda türk dünyasının böyük şairi Yunus Əmrənin həyatı və yaradıcılığına həsr olunan “Yaşayan Yunus Əmrə” adlı beynəlxalq elmi konfrans keçiriləcək.

Konfrans AMEA-nın Nizami adına Ədəbiyyat İnstitutu, Türkiyənin Azərbaycandakı səfirliyinin Kültür və Tanıtma Müşavirliyi və Türkiyə Baş nazirlik Türk Əməkdaşlıq və Koordinasiya Agentliyi Bakı Proqram Koordinasiya Ofisinin (TİKA)  təşkilatçılığı ilə baş tutacaq.

Konfransda 70-dən artıq məruzə dinləniləcək. Onlardan 22-si xarici ölkələrdən gələn qonaqların payına düşmüşdür.

Konfrans saat 10:00-da  AMEA-nın əsas binasında olacaq.

Almaz ÜLVİ,

“Xalq qəzeti”