Noyabrın 4-də Azərbaycan Respublikasının Prezidenti yanında Dövlət İdarəçilik Akademiyasında Azərbaycan Respublikasının

Prezidenti yanında Elmin İnkişafı Fondu (EİF) layihələrin hazırlanması, ərizə və əlavə olunan sənədlərin düzgün doldurulması prosesini asanlaşdırmaq və effektivliyini artırmaq üçün müsabiqədə iştirak etmək istəyən şəxslərə kömək məqsədilə məsləhət seminarı keçirmişdir.

 Seminarı DİA-nın rektoru, akademik Urxan Ələkbərov açaraq Azərbaycan Respublikasının Prezidenti yanında Elmin İnkişafı Fondunun  (EİF)  yaranmasını elmə əsaslanan tərəqqiyə və ölkənin gələcək inkişafına olan dövlət qayğısı kimi səciyyələndirdi. O qeyd etdi ki, ölkənin yeni inkişaf mərhələsinə qədəm qoyması bilik və elmlə bağlıdır.

 Elmin İnkişafı Fondunun icraçı direktoru Elçin Babayev fondun qrant müsabiqələri sahəsində cari fəaliyyəti haqqında məlumat verdi. O, EİF-in qrantların idarə olunması, müsabiqə qaydaları, ərizə və sənəd formalarının tərtibatı və 2014-cü ilin müsabiqəsi haqqında təqdimatla çıxış etdi. Təqdimatdan sonra E. Babayev seminar iştirakçılarını maraqlandıran çoxsaylı sualları da cavablandırdı.

DİA-nın bu təşəbbüsü fond rəhbərliyi tərəfindən yüksək qiymətləndirildi və bu təcrübədən digər qurumların da bəhrələnməsi tövsiyə olundu.

Əliqismət BƏDƏLOV,

 “Xalq qəzeti”