Dünən Bakı Dövlət Universitetinin (BDU) rektoru, akademik Abel Məhərrəmov Nobel mükafatı laureatı, alman fiziki Klaus fon-Klitsinglə görüşmüşdür.

APA-nın verdiyi xəbərə görə, universitet haqqında məşhur alimə məlumat verən  A.Məhərrəmov BDU-nun yaranması, inkişaf tarixi, bu təhsil ocağının beynəlxalq əlaqələri, əməkdaşlıq etdiyi aparıcı universitetlər, tanınmış assosiasiyalar və qurumlarla əməkdaşlığı, beynəlxalq qrant layihələrində iştirakı barədə qonağa məlumat vermişdir. Rektor bildirmişdir ki, BDU dünyanın aparıcı təhsil ocaqları ilə yanaşı, Almaniya universitetləri ilə də səmərəli əlaqələr qurmuş və bu əlaqələri genişləndirmək niyyətindədir.

Daha sonar alman alimi BDU-nun akt zalında “Kəsrli  kvant Holl effektinin yeni tətbiqi” mövzusunda mühazirə oxumuş və tələbələrin verdiyi sualları cavablandırmışdır.

Qonaq sonra BDU-nun Nanoaraşdırmalar laboratoriyası ilə tanış olmuş və burada görülən işlərə yüksək qiymət vermişdir.