Təhsil Nazirliyində 5 oktyabr – Beynəlxalq Müəllimlər Günü münasibətilə tədbir keçirilmişdir.

Tədbirdə təhsil naziri Mikayıl Cabbarov dövlətimizin təhsilə daim böyük önəm verdiyini vurğulamışdır.

Cəmiyyətdə təhsilin mühüm rolundan danışan nazir bildirmişdir ki, hər bir ölkənin gələcəyi, ayrı-ayrı sahələrdə əldə olunan nailiyyətləri təhsilin inkişaf səviyyəsi ilə bağlı olur.

Azərbaycan təhsilinin inkişafı üçün reallaşdırılan tədbirlərin, proqram və layihələrin əhəmiyyətindən danışan M. Cabbarov, eyni zamanda, müəllim peşəsinin çox müqəddəs olduğunu xatırlatmışdır.

Təhsilə və təhsil işçilərinə göstərilən diqqət və qayğıdan bəhs edən nazir bildirmişdir ki, Beynəlxalq Müəllimlər Günü münasibətilə oktyabrın 3-də imzalanmış sərəncamlarla 63 nəfər “Əməkdar müəllim” fəxri adına, 61 nəfər isə “Tərəqqi” medalına layiq görülmüşdür. Sonra mükafatlar sahiblərinə təqdim edilmişdir.

M.Cabbarov əlamətdar gün münasibətilə müəllimləri təbrik etmişdir.

AzərTAc