Təhsil Nazirliyi orta məktəb dərsliklərindən hansılarının bu il yenidən hazırlanacağı və üzərində təkmilləşdirilmə aparılacağına aydınlıq gətirmişdir.

APA -nın Təhsil Nazirliyinin saytına istinadən verdiyi xəbərə görə, II, IV və VII sinif dərsliklərində redaktə və düzəliş aparılmışdır. Dərsliklər növbəti illərdə tam tirajla çap olunan zaman TQDK-nın apardığı  monitorinqin nəticələri nəzərə alınacaq.

 Bu il təqdim ediləcək VI sinif dərslik komplektləri kurikulum əsasında hazırlanan ilk dərsliklərdir.VIII, IX və X sinif dərsliklərinin də bir qismi daxil olmaqla, bütövlükdə 2013-2014-cü tədris ilinə ümumtəhsil məktəblərinə 139 adda dərslik və müəllim üçün metodik vəsait veriləcək.