Dövlət İdarəçilik Akademiyası,  Bakı Şəhər Gənclər və İdman Baş İdarəsinin təşkilatçılığı ilə ümummilli lider Heydər Əliyevin 90 illik yubileyinə həsr olunmuş “Heydər Əliyev və Azərbaycanda gənclər siyasəti” mövzusunda konfrans keçirilmişdir.

Mərasimi giriş sözü ilə açan Dövlət İdarəçilik Akademiyasının prorektoru, professor Əlikram Abdullayev ümummilli lider, müstəqil Azərbaycan dövlətinin  memarı və qurucusu, həyatını xalqına, vətəninə həsr edən Heydər Əliyevin Azərbaycan tarixində, demokratik və hüquqi dövlət quruculuğunda müstəsna fəaliyyətindən danışmış, ulu öndər haqqında ürək sözlərini söyləmişdir.

 Toplantıda çıxış edən Bakı Şəhər Gənclər və İdman Baş İdarəsinin rəisi Raqif Abbasov  müstəqil Azərbaycan dövlətinin yaranmasında, möhkəmlənməsində və dünya miqyasında tanınmasında Heydər Əliyevin tarixi xidmətlərindən danışmış, gənclərimizin bir fərd, əsl Azərbaycan vətəndaşı kimi formalaşmasında, ümummilli lider Heydər Əliyevin danılmaz əməyi, misilsiz xidmətləri olduğunu bildirmiş, ulu öndərin zəngin və möhtəşəm dövlətçilik fəaliyyətində gənclər siyasətinin  xüsusi yer tutduğunu qeyd etmişdir.

Daha sonra Ağsaqqallar Şurasının sədri, millət vəkili Fəttah Heydərov, Ağsaqqallar Şurasının sədr müavini Südeyf İmamverdiyev ulu öndər Heydər Əliyevin azərbaycançılıq ideyası və  bu siyasətin layiqli davamçısı, ölkə Prezidenti İlham Əliyevin daxili və xarici siyasətindən danışmışdar.

Tədbirin sonunda təhsildə və ictimai işlərdə fərqləndiyinə, gənclər siyasətinin həyata keçirilməsində fəaliyyətinə görə bir qrup müəllim və tələbəyə fəxri fərman və hədiyyə təqdim olunmuşdur. 

Leyla QURBANOVA,

“Xalq qəzeti”