Almaniya Parlamentinin (Bundestaqın) üzvü, Almaniya Liberal Partiyasının (FDP) parlament fraksiyasının rəhbəri Martin Lindner Bakı Ali Neft Məktəbinin (BANM) professor-müəllim və tələbə heyəti qarşısında “Avropanın enerji siyasəti və bu siyasətdə Azərbaycanın rolu” mövzusunda məruzə ilə çıxış etmişdir.

Tədbirdə BANM-nin rektoru Elmar Qasımov düzgün və zamanında həyata keçirilən siyasət nəticəsində Azərbaycanın dinamik inkişaf etdiyini, ölkəmizin bu gün istər regionun, istərsə də Avropanın önəmli dövlətinə çevrildiyini və bu amilin dünyanın aparıcı dövlətlərinin Azərbaycana marağını artırdığını bildirmişdir.

Sonra Avropanın enerji siyasəti və bu siyasətdə Azərbaycanın rolu haqqında məruzə edən Martin Lindner, həmçinin Azərbaycan Respublikası Dövlət Neft Şirkətinin  əsas iştirakçısı olduğu “BTC”, “TANAP”, “TAP” və “Nabucco West”   layihələrinin əhəmiyyəti, eləcə də Azərbaycan ilə Almaniya arasında inkişaf edən iqtisadi və digər sahələrdə əməkdaşlıq haqqında ətraflı məlumat vermişdir.

Sonda qonaq tələbələrin suallarını cavablandırmışdır.

AzərTAc