Dövlət başçısının sərəncamına əsasən Azərbaycanda yaradılacaq İnformasiya Texnologiyaları Universiteti bu ilin sentyabr ayından fəaliyyətə başlayacaq.

“APA-Economics”in məlumatına görə, bunu Azərbaycanın rabitə və informasiya texnologiyaları naziri Əli Abbasov bildirmişdir.

Hazırda sözügedən ali təhsil müəssisəsi üçün müvəqqəti bina axtarılır, daha sonra müvafiq yerdə bu universitet üçün düşərgə tipli yeni bina inşa olunacaq. Nazir demişdir: “Bu ilin yay aylarında İnformasiya Texnologiyaları Universitetinə qəbul imtahanları keçiriləcək, sentyabr ayından etibarən bu ali təhsil müəssisəsi fəaliyyətə başlayacaq”.