Hazırda Azərbaycanda 36 milyon kitab fondu olan 3 883 kütləvi kitabxana, 2 767 klub müəssisəsi, 227 muzey, 28 peşəkar teatr, 4 filarmoniya, 6 musiqi kollektivi, 3 konsert zalı və 366 mədəniyyət və istirahət parkı əhaliyə xidmət göstərir.

Dövlət Statistika Komitəsindən “APA-Economics”ə verilən məlumata görə, 2012-ci ildə muzeylərə gələnlərin sayı 1,8 milyon nəfər, teatrlara gələnlərin sayı 0,5  milyon nəfər olmuşdur: “Teatrlarda repertuar müntəzəm olaraq təzələnir və tamaşalar Azərbaycan dili ilə yanaşı, rus və ləzgi dillərində də göstərilir”.

Komitədən həmçinin bildirmişlər ki, bu gün Azərbaycanda 28 dövlət əhəmiyyətli tarix, mədəniyyət, memarlıq, bədii və etnoqrafiya qoruqları mövcuddur.