“Erasmus-Mundus” beynəlxalq təhsil lahiyəsi çərçivəsində Ruminyanın ali təhsil müəssisələrinin bir qrup nümayəndəsi Lənkəran Dövlət Universitetində olmuşdur.

Qonaqlar universitetin auditoriyaları və tədris lobarotoriyaları ilə tanış olmuş, professor – müəllim heyəti və tələbələrlə görüşüb söhbət etmişlər. Qonaqlara məlumat verilmişdir ki, Lənkəran Dövlət Universitetinin müstəqil Azərbaycanın dövlətinin yaşıdıdır. Universitet fəaliyyət göstərdiyi 20 il ərzində böyük inkişaf  yolu keçərək, respublikanın cənub bölgəsində elm, təhsil və mədəniyyət mərkəzinə, mənəvi tərbiyə məktəbinə çevrilmişdir.   Bu gün Lənkəran Dövlət Universitetində 2000-dək tələbə təhsil alır, 200-dən çox professor-müəllim heyəti çalışır. Vaxtilə 2 fakultədən ibarət olan Lənkəran  Dövlət Universiteti indi 4 fakültəni, 11 kafedranı, 3 tədris laboratoriyanın, 50 min nüsxədən çox kitab fondu olan zəngin kitabxananı, geniş tədris korpusunu birləşdirən təhsil müəssisəsidir. Universitetinin beynəlxalq əlaqələri ildən-ilə genişlənir. Moskva, Novosibirsk, Kiyev, Berin, Bonn, Starsburq universitetləri kimi dünya qabaqcıl ali məktəbləri ilə tələbə-müəllim və elmi tədqiqatlar mübadiləsi aparılır.

Ruminiyanın A.İ.Kuza adına Universitetin əməkdaşı Stanislov Persis, Kiyev Mogilyansk Milli Universitetinin əməkdaşı Larisa Çovnuk görüş üçün minnətdarlıq bildirmiş, gəncləri Ruminiyanın ali təhsil müəssisələrində təhsil almağa dəvət etmiş və suallara cavab vermişlər.

Sonda ümummilli lider Heydər Əliyev büstünün önündə xatirə şəkili çəkilmişdir.

“Xalq qəzeti”