Azərbaycan Dövlət Neft Şirkətinin (ARDNŞ) xaricdə təhsillə bağlı Təqaüd Proqramı çərçivəsində indiyədək 130 gənc dünyanın müxtəlif nüfuzlu universitetlərində təhsil alaraq Azərbaycana qayıtmış və neft şirkətinin müvafiq strukturlarında işlə təmin olunmuşdur.

Bu barədə ARDNŞ-də xaricdə təhsillə bağlı Təqaüd Proqramı Müsabiqə Komissiyasının növbəti toplantısında açıqlama verilmişdir.

 ARDNŞ-in gənclərin xaricdə təhsil üzrə Təqaüd Proqramı haqqında ümumi statistik məlumat dinlənildikdən sonra məlumat verilmişdir ki, istedadlı və perspektivli gənclərin ARDNŞ-in vəsaiti hesabına xarici ölkələrin aparıcı universitetlərində təhsilinin təşkili məqsədi ilə Təqaüd Proqramı çərçivəsində həyata keçirilən işlər uğurla davam etdirilir. Belə ki, xarici universitetlərdə 71 tələbə hazırda təhsilini davam etdirir.

“Xalq qəzeti”