Koreya Respublikasının Azərbaycandakı fövqəladə və səlahiyyətli səfiri Çoi Suk-İn Bakı Ali Neft Məktəbində olmuşdur.

Rektor Elmar Qasımov səfirə Bakı Ali Neft Məktəbinin yaranma tarixi, tələbə qəbulu prosesinin nəticələri, təhsil ocağının əsas hədəfləri barədə ətraflı məlumat vermiş,  qonağı binada yaradılmış infrastrukturla tanış  etmişdir. Daha sonra rektor  ali məktəbin beynəlxalq əlaqələrinin genişləldirilməsinin vacibliyini  qeyd etmiş, qısa müddətdə bu istiqamətdə görülmüş işlər haqqında məlumat vermiş və dünyanın inkişaf etmiş dövlətlərinin sırasında öncül yerlərdən birini tutan Koreya Respublikasının  elm və təhsil mərkəzləri ilə əməkdaşlıq əlaqələrinin  qurulmasının xüsusi maraq kəsb etdiyini vurğulamışdır.

Koreya Respublikasının Azərbaycandakı  fövqəladə və səlahiyyətli səfiri  Çoi  Suk-İn Bakı Ali Neft  Məktəbinə gəlişindən məmnunluq hissləri keçirdiyini qeyd etmiş, Azərbaycanda ingilis dilində tədris həyata keçirən belə müasir tipli texniki ali məktəbin yaradılmasının vaxtında həyata keçirilən çox önəmli bir layihə olduğunu vurğulamış, təhsil ocağının Koreyanın  müvafiq qurumları  ilə əməkdaşlıq əlaqələrinin yaradılması üçün lazımi tədbirlərin həyata keçirilməsinə hazır olduğunu bildirmişdir.

Görüşdə  səfirliyin birinci katibi cənab  Kim Ce-Çol   iştirak etmişdir.

 “Xalq qəzeti”