Azərbaycan Dövlət Neft Akademiyası və Azərbaycan Milli Elmlər Akademiyası Geologiya İnstitutunun birgə müqaviləsi əsasında “Neft-qazın geologiyası” adlı baza kafedrası yaradılıb.

 Geologiya İnstitutunda fəaliyyət göstərəcək kafedrada geologiya mühəndisliyi ixtisasının tədris planına uyğun bakalavriat və magistratura səviyyəsində elmi-tədqiqat işləri aparılacaq. Dərslər Geologiya İnstitutunun alimləri tərəfindən keçiriləcək.

AMEA-nın vitse-prezidenti, Geologiya İnstitutunun direktoru, akademik Akif Əlizadə bildirir ki, baza kafedrası gənc mütəxəssislərin yetişdirilməsi və neft-qaz gelogiyası elminin inkişafı məqsədi ilə təşkil olunub. Burada ADNA-nın doktorantları da təhsil ala biləcəklər.

“Xalq qəzeti”