Binəqədi rayonundakı 219 saylı uşaq bağçası-körpələr evi 1980-ci ildən fəaliyyət göstərir. 9-cu mikrorayondakı  Mir Cəlal küçəsi,  85 ünvanında yerləşən  bağça 120 nəfər uşaq üçün nəzərdə tutulmuşdur. Altı  qrupdan ibarət olan  bağçada 91 uşağın tərbiyəsi ilə  35 işçi məşğul olur.

İkimərtəbəli bağça binasının ümumi ərazisi 3900 kvadratmet təşkil edir. Nazirlər Kabinetinin qərarına əsasən, 2012-ci ilin iyun ayından adı çəkilən məktəbəqədər tədris müəssisəsində  əsaslı təmir işlərinə başlanmışdı.

Dünən Binəqədi Rayon İcra Hakimiyyəti başçısının müavini Vüsal İsmayılov və rayon  icra hakimiyyəti nümayəndələrinin iştirakı ilə   219 saylı uşaq bağçası-körpələr evinin təmirdən sonra açılışı münasibətilə mərasim keçirilmişdir.

Rayon icra hakimiyyəti başçısının müavini V. İsmayılov valideynləri və uşaqları əlamətdar gün münasibətilə təbrik etmişdir. O bildirmişdir ki, bu gün açılışına yığışdığımız uşaq bağçası-körpələr evi rayonda gündən-günə genişlənən tikinti-quruculuq işlərinin bariz ifadəsidir. Bu bağçada uşaqların məktəbəqədərki hazırlığı üçün hər cür şərait yaradılmışdır. Bu xeyirxahlığa və qayğıkeşliyə görə bütün binəqədililər  adından Azərbaycan Prezidenti İlham Əliyevə minnətdarlığımı bildirirəm.

Tədbirdə çıxış edənlər bu yüksək diqqət və qayğıya görə dövlətimizin başçısına dərin hörmət və minnətdarlıqlarını ifadə etmişlər.

“Xalq qəzeti”