"İdman ili" çərçivəsində Səbail rayonunda 39 saylı uşaq bağçasında "Şən startlar" əyləncəli bədii-idman tədbiri keçirilmişdir. Ötən il "Abad həyət" layihəsinə əsasən Səbail RİH-nin daxili imkanları hesabına əsaslı təmir olunmuş Üzeyir Hacıbəyov küçəsindəki süni örtüklü stadionda təşkil olunmuş şənlikdə 39 saylı bağçanın müdiri Rəhilə Məmmədova uşaqları, onların valideynlərini və qonaqları salamlamış, tədbir barədə məluamt vermişdir.
İdman bayramında çıxış edən Səbail Rayon İcra Hakimiyyəti başçısının birinci müavini Xalidə Bayramova bildirmişdir ki, Azərbaycanda ölkə rəhbərliyi tərəfindən gənc nəslə, onun sağlam böyüməsinə qayğı günü-gündən artmaqdadır. Ulu öndər Heydər Əliyev gənclərin idmanla məşğul olmalarını hər zaman dəstəkləmiş, idmançıların beynəlxalq yarışlarda uğur qazanmaları üçün çox işlər görmüşdür.
Ulu öndərin layiqli davamçısı Prezident İlham Əliyevin həyata keçirdiyi uğurlu siyasət Azərbaycanı dünyanın lider dövlətlərindən birinə çevirib. Qısa müddət ərzində 30-dan çox müasir Olimpiya İdman Kompleksi inşa edilərək idmançılarımızın ixtiyarına verilib. Bu diqqətin nəticəsidir ki, idmançılarımız hər il müxtəlif beynəlxalq yarışlarda müvəffəqiyyətlə iştirak edərək Vətənə medallarla qayıdırlar. Natiq rayonda uşaqların idmanla məşğul olması üçün RİH tərəfindən təşkil olunan bir sıra tədbirlər barədə də məlumat vermişdir.
Uşaqların iştirakı ilə bədii-idman tədbirinə Azərbaycan Respublikasının Dövlət himninin ifası ilə start verilmişdir. Uşaqlar qonaqlar qarşısında müxtəlif idman nömrələri ilə çıxış etmişlər. Gənc akrobatların və gimnastların ifasında idman təmrinləri, məzhəkəli güləş yarışı nümayiş etdirilmişdir. Şən və əyləncəli müsiqilərin müşayəti ilə müxtəlif idman rəqsləri göstərilmiş, idman komandalarının iştirakı ilə estafet yarışları keçirilmişdir. Uşaqların ifa etdikləri mahnılar bayramı maraqlı və rəngarəng etmişdir.
Tədbirdlə iştrak edən qonaqlar və valideynlər proqramı maraqla izləmiş, uşaqların çıxışları alqışlarla qarşılanmışdır.

Tahir RÜSTƏMOV, "Xalq qəzeti"