Macarıstanın "Xidmətlərə görə" komandor xaç ordeni ilə təltif edilməyim mənə qürur hissi bəxş etdi. Macarıstan Prezidentinin bu qərarı təkcə mənim üçün deyil, xalqlarımız arasında dostluq əlaqələrinin, xüsusilə də mədəniyyət sahəsində əməkdaşlığın daha da inkişafı baxımından önəmli bir hadisədir.
Bu sözləri aprelin 30-da jurnalistlərə müsahibəsində Moskva Dövlət Universitetinin Bakı filialının rektoru, tanınmış filoloq alim, professor Nərgiz xanım Paşayeva söyləmişdir.
Macarıstanın zəngin mədəniyyətinin həm də nadir xüsusiyyətlərə malik olduğunu deyən Nərgiz xanım Paşayeva burada Şərq ab-havasının aydın şəkildə hiss edildiyini diqqətə çatdırmışdır.
N.Paşayeva demişdir: "Mən özümü çox xoşbəxt hiss edirəm ki, bu mükafata doğma Vətənim olan Azərbaycanın nümayəndəsi kimi layiq görülmüşəm".
AzərTAc