Heydər Əliyev İrsini Araşdırma Mərkəzinin təşkilatçılığı ilə "Tarixi Azərbaycan dövlətləri" kitabı çap olunmuşdur.
Kitabda Azərbaycanda zaman-zaman mövcud olmuş müxtəlif dövlətlər haqqında məlumat verilmiş, ensiklopedik biliklər əsasında tarixin bəlli mərhələlərində Azərbaycan torpaqlarında bərqərar olmuş kiçik və böyük dövlətlər barədə faktlar diqqətə çatdırılmışdır. Məlumatlar Azərbaycan, Ukrayna, Moldova, ingilis, gürcü və erməni dillərində təqdim edilmişdir.
"Tarixi Azərbaycan dövlətləri" kitabının ideya müəllifi Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) prezidenti, deputat Elxan Süleymanov, məsləhətçisi akademik Asəf Nadirov, elmi məsləhətçisi tarix elmləri doktoru, professor İlyas Babayev, yaradıcı qrupun rəhbəri, siyasi elmlər üzrə fəlsəfə doktoru Fuad Babayevdir.