Sloveniyanın Novo Qoritsa şəhərinin kitabxanası "Gənclik və media: mədəni irsimizin qorunması üçün foto və video sənədlər" layihəsi çərçivəsində aprelin 17-dən mayın 9-dək İkinci Dünya müharibəsinə həsr olunmuş səyyar sərgi təşkil edəcəkdir.
Sərgidə Azərbaycanın Lahıc qəsəbə orta məktəbinin şagirdləri də iştirak edəcəklər. Onların 45 fotoşəkilinin və 17 dəqiqəlik videofilminin nümayiş olunacağı sərginin əlaqələndiricisi Sloveniyadan olan tanınmış incəsənət professoru xanım Vesna Çrnivetsdir.
AzərTAc-a bu barədə məlumat verən Vesna Çrnivets demişdir ki, Sloveniya Xarici İşlər, Mədəniyyət nazirliklərinin və Məktəb Muzeyinin Lahıc orta məktəbinin və lahıclı Bayramovlar ailəsinin dəstəyi ilə hazırlanmış sərgi faşizm üzərində Qələbə günü açılacaqdır.