Bakının şəhid İlqar Əbilhəsənov adına 42 nömrəli orta məktəbində son zəng mərasimi keçirilmişdir.
Azərbaycan Respublikasının Dövlət himni səslənmişdir.
Direktor Firəngiz Həmidova təhsil ocağında qazanılan uğurlardan danışmış, məzunları məktəbin adını həmişə uca tutmağa çağırmışdır. F.Həmidova məzunlara gələcək həyatlarında uğurlar arzulamış və bildirmişdir ki, bu tədris ilində təhsil müəssisəsinin XI sinfini 87 gənc bitirir.
Müəllimlər və valideynlər məzunlara müstəqil Azərbaycanın layiqli vətəndaşları olmağı, şərəflə yaşamağı və çalışmağı tövsiyə etmişlər.
Çıxış edən məzunlar onları müstəqil həyata hazırlayan müəllimlərinə minnətdarlıqlarını bildirmişlər.
Birincilər məzunları şeirlə təbrik etmiş və onlara gül dəstələri bağışlamışlar. Məktəb həyatına əlvida deyən məzunlar birincilərə hədiyyələr təqdim etmişlər.
Mərasim məktəblilərin ifasında maraqlı konsert proqramı ilə başa çatmışdır.
AzərTAc{nl}