"Azərbaycanda 2014-cü ildən ali məktəblərə qəbul yeni model əsasında keçiriləcək. Lakin hələlik bu modelin ilkin detalları açıqlanmır".
APA-nın xəbərinə görə, bu sözləri Tələbə Qəbulu üzrə Dövlət Komissiyasının (TQDK) sədri Məleykə Abbaszadə demişdir. O bildirib ki, hazırda yeni modellə bağlı TQDK təkliflərini hazırlayır: "2011-2021-ci illərdə Azərbaycan təhsilinin inkişafı üzrə milli strategiya" hələlik Prezident yanında Təhsil Komissiyası tərəfindən müzakirə edilməyib. Biz istəyirik ki, bu strategiya müzakirə edilərək qəbul olunsun. Yeni qəbul modelində nəzərdə tutulanlar strategiyadakı müddəalarla uzlaşmalıdır".
TQDK sədri demişdir ki, strategiya Təhsil Komissiyası tərəfindən müzakirə ediləndə TQDK da yeni qəbul modelini açıqlayacaq və bundan sonra ictimaiyyətə açıqlama veriləcək.