Cənubi Koreyanın Kimçonq Universitetinin rektoru xanım Sunq Ac Kanq, Beynəlxalq Əlaqələr şöbəsinin müdiri Hee Chun Lee Naxçıvan Dövlət Universitetində olmuş, universitetdə keçirilən Koreya günlərində iştirak etmişlər. Universitetin Mətbuat xidmətinin məlumatında bildirilir ki, növbəti gün Cənubi Koreya Respublikasının Azərbaycandakı fövqəladə və səlahiyyətli səfiri Li Ci Hanın iştirakı ilə universitetdə "Cənubi Koreya Mərkəzi"nın açılışı olmuşdur. 
Tədbirdə olkələrarası əlaqələrin inkişafından, elm və təhsilin tərəqqisində universitetlərarası əlaqələrin əhəmiyyətindən danışılmış, sonra mərkəzlə tanışlıq olmuşdur. Dəyirmi masa ətrafında keçirilən görüşdə Naxçıvan Dövlət Universitetinin rektoru, akademik İsa Həbibbəyli xatırlatmışdır ki, cari ilin sentyabrında universitetin nümayəndə heyətinin Cənubi Koreyaya səfəri zamanı Kimçonq və Busan Kyumqsunq universitetləri arasında qarşılıqlı əməkdaşlıq haqqında muqavilələr imzalanmış, bu ali təhsil ocaqları ilə əlaqələr bu gün də möhkəmlənməkdədir. Rektor universitetdə Koreya dili kurslarının təşkili, koreyalı tələbə Hi Canın doğma dilinin tədris edəcəyi barədə də məlumat vermışdir. Müzakirə zamanı mikrobiologiya, otelçilik və turizm ixtisası, gələn ildən Naxçıvan Dövlət Universitetində fəaliyyət göstərəcək stamotologiya ixtisası üzrə elmi təcrübə mübadiləsi, turizm və memarlıqla bağlı müştərək simpoziumun keçirilməsi, koreyalı iqtisadçı mütəxəssisin "Koreyanin iqtisadi inkişaf modeli" mövzusunda mühazirələrinin təşkili ilə bağlı razılaşmalar əldə olunmuşdur.
Səfir Li Ci Ha vurğulamışdır kı, "Cənubi Koreya Mərkəzi"nin müasir informasiya texnologiyaları, ensiklopediya, lüğət və digər məlumat nəşrləri ilə təmin olunması ilə bağlı dəstəyini əsirgəməyəcək. Kimçonq Universitetinin rektoru, xanım Sunq Ac Kanq səmimi qəbul, qonaqpərvərlik ücün muxtar respublika və universitet rəhbərliyinə səmimi minnətdarlığını bildirmiş, gələcək tərəfdaşlıq ücün birgə uğurlu fəaliyyət göstərəcəklərinə əminliyin ifadə etmişdir.

"Xalq qəzeti "